Punjab News Section
Aug 30

ਬਾਰਸ਼ ਨਾਲ ਮੁੰਬਈ 'ਚ ਹਾਹਾਕਾਰ

ਮੁੰਬਈ : ਦੇਸ਼ ਦੀ ਵਿੱਤੀ ਰਾਜਧਾਨੀ ਦੇ ਭਾਰੀ ਬਾਰਸ਼ ਦੀ ਲਪੇਟ 'ਚ ਆਉਣ ਦਰਮਿਆਨ ਸ਼ਿਵ ਸੈਨਾ ਨੇ ਬੁੱਧਵਾਰ ਨੂੰ ਬ੍ਰਹਿਮੁੰਬਈ ਨਗਰ ਨਿਗਮ (ਬੀ.ਐੱਮ.ਸੀ.) ਦੀ ਸ਼ਲਾਘਾ ਕੀਤੀ ਅਤੇ ਕਿਹਾ ਕਿ ਇਸ ਨੇ ਸਥਿਤੀ ਨੂੰ 'ਹੱਥੋਂ ਬਾਹਰ' ਨਹੀਂ ਜਾਣ ਦਿੱਤਾ। ਬ੍ਰਹਿਮੁੰਬਈ ਨਗਰ ਨਿਗਮ 'ਚ 2 ਦਹਾਕਿਆਂ ਤੋਂ ਵਧ ਸਮੇਂ ਤੋਂ ਸ਼ਿਵ ਸੈਨਾ ਦਾ ਸ਼ਾਸਨ ਹੈ। ਸ਼ਿਵ ਸੈਨਾ ਨੇ ਪਾਰਟੀ ਦੇ ਅਖਬਾਰ 'ਸਾਮਨਾ' 'ਚ ਇਕ ਸੰਪਾਦਕੀ 'ਚ ਕਿਹਾ,''ਕੁਦਰਤੀ ਆਫਤ ਨਾਲ ਨਜਿੱਠਣ ਦੀ ਬੀ.ਐੱਮ.ਸੀ. ਦੀ ਤਿਆਰੀ ਨੇ ਸਥਿਤੀ ਨੂੰ ਹੱਥੋਂ ਬਾਹਰ ਨਹੀਂ ਜਾਣ ਦਿੱਤਾ। ਨਗਰ ਬਾਡੀ ਦੀ ਇਸ ਲਈ ਤਾਰੀਫ ਕੀਤੀ ਜਾਣੀ ਚਾਹੀਦੀ ਹੈ। ਭਾਰੀ ਬਾਰਸ਼ ਦੇ ਬਾਵਜੂਦ ਕੋਈ ਅਣਸੁਖਾਵੀਂ ਘਟਨਾ ਨਹੀਂ ਹੋਈ ਹੈ।'' ਊਧਵ ਠਾਕਰੇ ਦੀ ਅਗਵਾਈ ਵਾਲੀ ਪਾਰਟੀ ਨੇ ਕਿਹਾ,''ਮੁੰਬਈ ਅਤੇ ਮਹਾਰਾਸ਼ਟਰ ਨੂੰ ਹਮੇਸ਼ਾ ਗਣਪਤੀ ਦਾ ਆਸ਼ੀਰਵਾਦ ਮਿਲਿਆ ਹੈ। ਸਾਡਾ ਮੰਨਣਾ ਹੈ ਕਿ ਈਸ਼ਵਰ ਇਸ ਸਮੱਸਿਆ ਦਾ ਵੀ ਹੱਲ ਕਰਨਗੇ।''
ਸ਼ਿਵ ਸੈਨਾ ਨੇ ਕਿਹਾ ਕਿ ਭਾਰੀ ਬਾਰਸ਼ ਨੇ ਮਹਾਨਗਰ 'ਚ 26 ਜੁਲਾਈ 2005 ਨੂੰ ਬੱਦਲ ਫਟਣ ਦੀ ਘਟਨਾ ਦੀ ਯਾਦ ਦਿਵਾ ਦਿੱਤੀ ਹੈ, ਜਦੋਂ 24 ਘੰਟਿਆਂ 'ਚ ਕਰੀਬ 950 ਮਿਲੀਮੀਟਰ ਬਾਰਸ਼ ਹੋਈ ਸੀ। ਮੰਗਲਵਾਰ ਨੂੰ ਪੂਰੇ ਦਿਨ ਮੁੰਬਈ 'ਚ ਬਾਰਸ਼ ਹੁੰਦੀ ਰਹੀ। ਸ਼ਹਿਰ 'ਚ 298 ਮਿਲੀਮੀਟਰ ਬਾਰਸ਼ ਹੋਈ ਜੋ 1997 ਦੇ ਬਾਅਦ ਤੋਂ ਅਗਸਤ ਮਹੀਨੇ 'ਚ ਇਕ ਦਿਨ 'ਚ ਹੋਈ ਜ਼ਿਆਦਾ ਬਾਰਸ਼ ਹੈ। ਪਾਰਟੀ ਨੇ ਕਿਹਾ,''ਇੱਥੋਂ ਤੱਕ ਕਿ ਭਾਰਤੀ ਮੌਸਮ ਵਿਭਾਗ ਨੇ ਵੀ ਸੋਮਵਾਰ ਨੂੰ ਕਿਹਾ ਕਿ ਬਾਰਸ਼ ਉਮੀਦ ਤੋਂ ਵਧ ਹੋਈ ਹੈ। ਪੂਰੇ ਦਿਨ ਸੂਰਜ ਨਹੀਂ ਦਿੱਸਿਆ ਅਤੇ ਸਮੁੰਦਰ 'ਚ ਉੱਚੀਆਂ ਲਹਿਰਾਂ ਕਾਰਨ ਸ਼ਹਿਰ ਦੀ ਪਰੇਸ਼ਾਨੀ ਹੋਰ ਵਧ ਗਈ। ਫਿਰ ਵੀ ਕੁਦਰਤੀ ਆਫ਼ਤ 'ਤੇ ਮੁੰਬਈ ਦੀ ਭਾਵਨਾ ਜਿੱਤ ਗਈ।'' ਪੁਲਸ ਅਨੁਸਾਰ ਮੰਗਲਵਾਰ ਨੂੰ ਭਾਰੀ ਬਾਰਸ਼ ਕਾਰਨ ਮਹਾਨਗਰ ਦੇ ਵਿਕਰੋਲੀ ਉਪਨਗਰ 'ਚ ਮਕਾਨ ਡਿੱਗਣ ਦੀਆਂ ਵੱਖ-ਵੱਖ ਘਟਨਾਵਾਂ 'ਚ 2 ਬੱਚਿਆਂ ਸਮੇਤ ਤਿੰਨ ਲੋਕਾਂ ਦੀ ਮੌਤ ਹੋ ਗਈ। ਸ਼ਹਿਰ ਅਤੇ ਉਪਨਗਰਾਂ 'ਚ ਦਰਅਸਲ ਬੁੱਧਵਾਰ ਨੂੰ ਜਨਤਕ ਛੁੱਟੀ ਹੈ। ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਨੇ ਲੋਕਾਂ ਨੂੰ ਕਿਹਾ ਹੈ ਕਿ ਉਹ ਐਮਰਜੈਂਸੀ ਸਥਿਤੀ ਜਾਰੀ ਰਹਿਣ ਤੱਕ ਘਰਾਂ 'ਚ ਰਹਿਣ।


Viewers  354
   Share this News


Comment

your name*



comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 


Topic

Recent Posts

Archive

Facebook Fan page

CONTACT  US FOR
ADVERTISEMENT
Supreet K Singh
+61 - 408 463 954
supreet@pardesexpress.com


Quick LInks

News Letter


Counter Visit  
Pardes Express
LEVEL 1, 11 PARKES ST. HARRIS PARK, 2150, NSW, AUSTRALIA  
Tel No. : +61-2-8677-0580
Email ID : info@pardesexpress.com

Copyright © Pardes Express 2012-2014. all rights reserved